جن لوگوں نے مجھے ووٹ نہیں دیا ان کا کام نہیں کریں گئے

پارلیمانی انتخابات میں شکست کے بعد نہٹور سے بی جے پی کے ممبراسمبلی اوم کمار نے مخصوص مذہب کے لوگوں کونشانہ بنایا

۔ علیگڑھ( اختر) پارلیمانی انتخابات میں ہوئی شکست کے بعد نہٹور سیٹ سے بی جے پی کے ممبر اسمبلی اوم کمار نے ایک مذہب کے لوگوں کو نشانہ بناتے ہوئے کہا ہے کہ وہ ان لوگوں کے لیے کام نہیں کریں گے جنہوں نے ووٹ نہیں دیا ہے۔ کوئی بھی افسر جوان کے حامیوں کے کام نہیں کرے گا اور ان کی بات نہیں مانے گا یا ان کا احترام نہیں کرے گا اسے ضلع میں نہیں رہنے دیا جائے گا۔ یہ بیان انہوں نے نہٹور اور ہلدور منڈل میں منعقدہ کارکنوں کے اجلاس میں دیا، جس کے دو ویڈیوز سوشل میڈیا پر گردش کر رہے ہیں۔ اوم کمار نے نام لیے بغیر کہا کہ کچھ لوگ کانوڑ یاترا کے لیے بیانات دے رہے ہیں، ہم کا نو ریا ترا کا احترام کریں گے۔ انہوں نے کہا کہ کچھ لوگوں نے یہ گمراہ کیا کہ آئین کو خطرہ ہے۔ ہندوستان کا آئین دنیا میں سب سے مضبوط ہے۔ انہوں نے کہا کہ اب جس نے ووٹ نہیں دیا اس کے کام نہیں کروں گا، ہر ذات نے انہیں کم و بیش ووٹ دیا ہے لیکن ایک مذہب کے لوگ یوگی۔ مودی سے غنڈہ گردی کا لائسنس لینا چاہتےہیں لیکن انہیں یہ لائسنس نہیں ملے گا۔ یوگی ۔ مودی حکومت میں غنڈہ گردی جاری نہیں رہے گی۔ جو غنڈوں کو سپورٹ کرے گا اس کا بھی وہی علاج ہوگا جو ۔ انہوں نے غنڈوں کو معاف نہیں کیا، تین نسلوں کا حساب لےگا۔ انہوں نے حال ہی میں رکن پارلیمنٹ چندر شیکھر کے اس بیان کو نشانہ بنایا جس میں رکن پارلیمنٹ نے کانوڑ یا ترا کے حوالے سے کہا تھا کہ جب کانوڑ کے دوران دوکانیں اور سڑکیں20 دن تک بند رہ سکتی ہیں تو پھر سڑک پر نمازکیوں نہیں پڑھی جاسکتی۔آپ کو بتا دیں کہ اوم کمار لوک سبھا انتخابات میں نگینہ پارلیمانی ( محفوظ) سیٹ سے بی جے پی کے امیدوار تھے۔ انہیں آزاد سماج پارٹی کے صدر چندر شیکھر نے شکست دی۔ اوم کمار مسلسل تیسری بار ایم ایل اے ہیں۔ پہلے انہوں نے بی ایس پی کے ٹکٹ پر جیت حاصل کی تھی ، اب وہ بی جے پی کےٹکٹ پر دو بار جیت حاصل کر چکے ہیں ۔۔۔۔۔۔۔۔۔۔۔